一直以黎都好多人問我做咩唔開返個Patreon賣下相
首先好多謝大家會覺得我既相係有價值
但都想講下我自己對呢件事既睇法
但講之前，想大家搞清楚先。
我完全唔覺得賣相呢件事有啲咩問題，唔開純粹係個人堅持，大家如果想借我以下既說話攻擊其他女性可以走先。
因為呢個年代要俾錢睇人地既作品真係好撚正常。
講返正題
唔想開既原因第一係因為我本身唔太擅長影相。
我對自己個樣其實真係無咩自信，又唔識擺姿勢表情（大家唔好覺得呢件事好易，其實要影張好睇既相真係要練習）。所以好多時影相無咩笑容，純粹係因為我唔知擺咩表情好。
第二，我比較中意整片同直播。
老實講曾經都有動搖過想賣相，因為真係太好搵。
整片好麻煩，回報相對上又細咁多。但可以堅持到咁耐其實真係有賴大家每次都捧場同埋自己本身有興趣做。而整片同直播真係用我好多時間，再加上我仲會做下主持、搞社群搞比賽搞呢樣搞嗰樣，仲要賣埋相我真係唔洗訓。
第三，形象問題。
我點睇個樣都係做綜藝既材料，靠樣搵食會窮。
第四，諗題材好煩。
一諗到每個月要諗拍咩主題我就覺得好煩，我本身又唔想形象太過份意淫（所以大家睇我ig大部份相都係比較保守），又要唔露又要我中意既主題又要我個人carry到，成件事剩低選擇太少，我直接放棄。
以免睇到呢度又有人想乘機攻擊人，我係度再重申一次，我唔覺得露肉有咩問題，偶爾我覺得自己著得靚嗰時都會影下性感相，只係個人唔想呢件事變左做我既常態。
講到底，唔開Patreon賣相都係我自己小小既堅持。
雖然係呢個年代仲堅持呢啲野係有啲無謂。
但如果大家想支持我
可以加入我Youtube既會員或者睇我既片同直播
如果有日我諗到有啲咩內容，無論相定片定文字都好，我覺得值得大家俾錢睇，再俾你地知。
我會繼續努力。
Search